Larunbatean, Uharte Arakilgo Zamartze monastegian, Ahaztutako Donejakue Bidearen inguruko jardunaldia egin zen, Sakanako Donejakue bideari lotutako hainbat ikuspegi eta lan-ildo partekatzeko helburuarekin.
Saioan, arkeologian aditua den Fran Valle de Tarazagak Zamartzen egindako indusketetan ateratako aztarnen inguruko azalpenak eskaini zituen, azken urteotan egindako lan arkeologikoen bidez lortutako informazioa azalduz eta testuinguruan kokatuz.
Ondoren, Paqui Urbitartek, Sakanako Garapen Agentziaren izenean, azken urteetan Sakanako Donejakue bidea berreskuratu eta balioan jartzeko egindako lana azaldu zuen, egindako pausoak eta ibilbidearen garrantzia azpimarratuz.
Halaber, Nikolas Arbizuk Sakanako Donejakue Bidearen Lagunak taldearen inguruko azalpena eskaini zuen, taldearen jarduna aurkeztuz eta ekimen honen helburu nagusiak partekatuz.
Jardunaldiaren amaieran, bertaratutako pertsonak talde honen parte izatera animatu ziren, denon artean Sakanako Donejakue bidea balioan jartzen jarraitzeko, elkarlanaren bidez.
.jpeg)
Erakunde honek Nafarroako Gobernuaren diru-laguntza bat jaso du, eskualdeak suspertzeko planak prestatu eta gauzatzeko diru-laguntzen 2023ko deialdian.
Erakunde honek Nafarroako Gobernuaren dirulaguntza bat jaso du Europako 2023 proiektuen sustatzaileak eta kudeatzaileak kontratatzeko laguntzen babesean.
