Ekainaren 24an, Sakanako Garapen Agentziak bultzatutako Dinabide Zentroak ate irekien jardunaldi berezi bat hartuko du Irurtzunen: "Dinabide Tech Show – Makineria Aurreratuaren Aurkezpena". Ekitaldia eskualdeko eta Nafarroa osoko enpresa, erakunde eta profesional teknologikoei zuzenduta dago, fabrikazio gehigarriko (3D inprimaketa industriala) gaitasun berriak ezagutzera emateko.
Fabrikazio aurreratua Nafarroako ETEen eskura
Dinabide zentroan instalatu berri diren ekipamendu berriei esker, teknologia eskuragarri izango da baliabide teknologiko handirik ez duten enpresa txikientzat ere, lehiakortasuna hobetzeko eta ekoizpen-prozesuak berritzeko helburuz. Ekimen hau Nafarroako Gobernuaren eta Nasertic-en laguntzarekin gauzatu da.
Ekitaldia 12:00etan hasiko da eta ondoko edukia izango du:
Harrera instituzionala, Juan Luis Garcia (Unibertsitate, Berrikuntza eta Eraldaketa Digitaleko kontseilaria) eta IRIS Poloko presidentea.
Ereduaren aurkezpena, Aitor Larrazaren eskutik (Sakanako Mankomunitateko eta SGAko presidentea).
Erakusketa teknikoa, Mikel Irijalba adituaren gidaritzapean, Dinabiden eskuragarri dauden zerbitzu eta aplikazio industrialei buruz.
Showroom teknologikoa, non 3D makinak eta piezen benetako adibideak ikusi ahal izango diren.
Itxiera instituzionala, Mikel Irujo sailburuaren eskutik (Industria, Trantsizio Ekologiko eta Enpresa Digitala).
Aperitiboa eta networking-a, enpresa eta eragileentzako topagune gisa.
Dinabide zentroaren eginkizuna da industria digitalizatzeko, berrikuntza aplikatua bultzatzeko eta ekoizpen-prozesuak dibertsifikatzeko tresnak eskaintzea, eta batez ere baliabide teknologiko mugatuak dituzten ETEei laguntza ematea.
Animatu eta ezagutu Dinabidek dituen aukerak:
Erakunde honek Nafarroako Gobernuaren diru-laguntza bat jaso du, eskualdeak suspertzeko planak prestatu eta gauzatzeko diru-laguntzen 2023ko deialdian.
Erakunde honek Nafarroako Gobernuaren dirulaguntza bat jaso du Europako 2023 proiektuen sustatzaileak eta kudeatzaileak kontratatzeko laguntzen babesean.
