Azken bi asteetan, Dinabidek CIP Virgen del Camino ikastetxeko Fabrikazio Gehigarriko Espezializazio Ikastaroko ikasleak hartu ditu Irurtzungo espazio teknologikoan. Saioen bidez, ikasleek aukera izan dute fabrikazio aurreratuko teknologia industrialak bertatik bertara ezagutzeko.
Dinabiden, ikasleek ekoizpen-ingurune errealetan erabiltzen diren hainbat ekipamendu ezagutu dituzte: metalezko fabrikazioa SLM teknologiaren bidez, SamyLabs Alba 300 makinarekin; ultrapolimeroen inprimaketa, Intamsys Funmat 610HT ekipamenduarekin; erretxina-teknologia, Formlabs Form 4 makinarekin; eta laser bidezko sinterizazio selektiboa, Formlabs Fuse 1 ekipamenduarekin.
Lankidetza honek Dinabidek Nafarroako Lanbide Heziketaren ekosisteman duen balioa erakusten du. Sakanatik, espazioak ekipamendu aurreratua, ezagutza tekniko aplikatua eta industria-errealitaterako hurbilketa zuzena eskaintzen ditu.
.png)
.png)
Erakunde honek Nafarroako Gobernuaren diru-laguntza bat jaso du, eskualdeak suspertzeko planak prestatu eta gauzatzeko diru-laguntzen 2023ko deialdian.
Erakunde honek Nafarroako Gobernuaren dirulaguntza bat jaso du Europako 2023 proiektuen sustatzaileak eta kudeatzaileak kontratatzeko laguntzen babesean.
