Kalaska Kooperatibak langile bat bilatzen du

Kalaska Kooperatibak langile berri bat kontratatzeko deialdia ireki du, Etxarri Aranazko hiltegian eta zatitze-gelan lan egiteko.

Kooperatiba tokiko abeltzain txikiei laguntzeko eta bertako haragiaren salmenta zuzena sustatzeko sortu zen. Bere jardueraren bidez, Kalaskak tokiko elikadura-sistema jasangarriago, bidezkoago eta lurraldeari lotuago baten alde egiten du lan.

Lanpostua

Hiltegian eta zatitze-gelan lan egiteko langile orokor bat bilatzen da. Ez da beharrezkoa aldez aurretik esperientzia izatea; motibazioa, konpromisoa eta ikasteko gogoa baloratuko dira. Kalaskak hasierako prestakuntza eskainiko du, baita lanpostuan bertan ikasteko aukera ere.

Eskaintzen da

• 6 hilabeteko behin-behineko kontratua hasteko.
• Lanaldi partziala, astean 20 ordu ingurukoa.
• Lana antolatzeko autonomia eta malgutasuna.
• Kooperatiba berritzaile eta dinamiko batean lan egiteko aukera.
• Hasierako prestakuntza eta lanpostuan bertan ikasteko aukera.
• Proiektua hazten doan heinean eta beharren arabera, kontratua luzatzeko edo lanaldia handitzeko aukera.

CVak bidaltzeko

Interesa duten pertsonek CVa bidali dezakete helbide honetara: mataderosakana@gmail.com.