PAUSOKA proiektuaren 1. erakustaldi jardunaldia ekainaren 19an egingo da Unanun, 10:30etik 12:00etara. Bertaratutakoak Beriaingo pistako parkinean elkartuko gara, eta handik abiatuko da jardunaldia.
PAUSOKAk Pottokaren etorkizuna eta gure lurraldearen bizitasuna bermatzeko lan egiten du. Horretarako, hainbat lan ildo uztartzen ditu: ikerketa, maneiu estentsiboa, haragiaren balorizazioa eta landa garapena. Jardunaldiaren bidez, proiektua bertatik bertara ezagutarazi nahi da, Pottokaren inguruan garatzen ari den lanketa modu praktikoan aurkeztuz.
Egitaraua 10:30ean hasiko da, proiektuaren aurkezpenarekin. Ondoren, 11:00etan, Pottoken maneiu ezberdinen erakustaldia egingo da. 11:30ean, PAUSOKA eta Kalaskaren arteko lanketa aurkeztuko da, eta jardunaldia 12:00etan amaituko da, Pottoka haragiaren dastaketarekin.
Jardunaldia Sakanako Garapen Agentziak, Pottoka Lagun Elkarteak eta Kalaskak antolatu dute, Nafarroako Gobernuaren eta Europar Batasunaren finantzaketarekin.
Erakunde honek Nafarroako Gobernuaren diru-laguntza bat jaso du, eskualdeak suspertzeko planak prestatu eta gauzatzeko diru-laguntzen 2023ko deialdian.
Erakunde honek Nafarroako Gobernuaren dirulaguntza bat jaso du Europako 2023 proiektuen sustatzaileak eta kudeatzaileak kontratatzeko laguntzen babesean.
