Iazko udan egindako oinezko martxetan bidearen lehenengo bi etapak ezagutzera eman ziren (Irurtzun-Zamartze eta Zamartze-Bakaiku). Honela, Sakanako Donejakue bidearen trazaketa guztia ezagutzera eman du Sakanako Garapen Agentziak.
Ibilaldia prestatzearren, bezperan, Ekainaren 2ko ostiral arratsaldean Nicolás Arbizuk Altsasuko Gure Etxean hitzaldi bat eskaini zuen. Honetan, ibilbidean aurki daitezkeen txoko eta ondare garrantzitsuenak azaldu zituen. Iturmendiko elizako bataiarria, Alsasuko Otadiko Santokristo baseliza, Olaztiko harrobien eboluzioa erakusten dituzten argazkiak…
Euskal wikilarien elkartearekin kolaborazioa
Egindako hiru oinezko martxetan argazki rallya egin da, parte hartzaileei beraien mugikor zein argazki kamerekin argazkiak ateratzera animatu zituzten antolakuntzatik.
Jasotako materialarekin, Uztailaren 3an editatoia antolatu zuen Agentziak Euskal Wikilarien elkartearen laguntzarekin. Saio praktiko honetan, jasotako argazkiak wikimediara nola igo ikasi dute partaideek.
