Sakanako Garapen Agentziak herritarrei zuzendutako mugikortasun-galdetegia jarri du abian, ICONIC proiektuaren baitan. Helburua Sakanan bizi diren pertsonen eguneroko joan-etorriak eta mugikortasun-ohiturak ezagutzea da.
Galdetegiaren bidez jakin nahi da herritarrak nola joaten diren lanera, ikastetxera, erosketak egitera, osasun-zentroetara edo mediku-kontsultetara, baita eguneroko beste joan-etorri batzuk nola egiten dituzten ere.
Herritarren erantzunek Sakanako mugikortasun iraunkorreko estrategia diseinatzen lagunduko dute, eskualdeko biztanleen benetako beharretara egokituta.
Galdetegia anonimoa da eta minutu gutxi batzuk baino ez dira behar erantzuteko.
Sakanako Garapen Agentziak herritar guztiak parte hartzera eta galdetegia beren kontaktu eta taldeen artean zabaltzera animatzen ditu.
Erakunde honek Nafarroako Gobernuaren diru-laguntza bat jaso du, eskualdeak suspertzeko planak prestatu eta gauzatzeko diru-laguntzen 2023ko deialdian.
Erakunde honek Nafarroako Gobernuaren dirulaguntza bat jaso du Europako 2023 proiektuen sustatzaileak eta kudeatzaileak kontratatzeko laguntzen babesean.
