Kalaska Sakanan bertako haragia balioan jartzeko eta abeltzaintza estentsiboa indartzeko sortutako proiektu kolektiboa da. Etxarri Aranazko hiltegiaren inguruan egituratutako ekimen honek tokiko ekoizpena, hurbileko kontsumoa eta elikadura-sistema iraunkorragoa sustatzea du helburu.
Proiektua Sakanako Garapen Agentziak, Etxarri Aranazko Udalak, abeltzainek, harakinek eta tokiko beste eragile batzuek elkarlanean bultzatu dute. Kalaskaren bidez, ekoizleek hurbileko azpiegitura bat dute animaliak hil, haragia zatitu, ontziratu eta balio erantsi handiagoko produktuak lantzeko.
Kalaska ez da soilik hiltegi edo eraldaketa-gune bat. Sakanako lehen sektorea indartzeko, ustiategi txikien jarduera errazteko eta bertako produktua lurraldean bertan eraldatu eta merkaturatzeko tresna estrategikoa da.
Proiektu honek bat egiten du Sakanako Garapen Agentziak elikadura, landa-garapena eta ekonomia sozialaren inguruan garatzen dituen lan-ildoekin: tokiko ekoizpena, zirkuitu laburrak, lankidetza eta lurraldearen garapen jasangarria sustatzea.
Erakunde honek Nafarroako Gobernuaren diru-laguntza bat jaso du, eskualdeak suspertzeko planak prestatu eta gauzatzeko diru-laguntzen 2023ko deialdian.
Erakunde honek Nafarroako Gobernuaren dirulaguntza bat jaso du Europako 2023 proiektuen sustatzaileak eta kudeatzaileak kontratatzeko laguntzen babesean.
