eu | es

Nondik gatoz: historia

2008: krisia eta langabezia

2008ko krisiak eragin handia izan zuen Sakanako eskualdean, eta langabeziak modu nabarmenean gora eginez, 2008ko  % 9.33tik, 2013ko martxoan goia jo eta % 26ra iritsi arte. Gizarte-krisi baten aurrean, Sakana aldarri baten inguruan bildu zen: Sakanan bizi eta lan.

Erantzuna: Krisi-mahaia

Egoera horren aurrean, 2011n Abian plataformak egindako deiari erantzunez Sakanako gizarteak Krisi Mahaia eratu zuen: aldi baterako hausnarketarako espazio partekatua, Sakanako eragile sozial eta politiko guztien artean adostutako erantzun bat artikulatzeko helburua zuena. Bertan, ekintza zehaztzez osatutako gutxienezko akordio bat lortu zen, batzuk sakanako eragileei zegozkienak eta beste batzuk aldiz Nafarroako Gobernuari zegozkionak.

Tresna: Sakanako Garapen Agentzia

Krisi-mahaiaren akordioaren puntuetako bat, Sakanako garapen ekonomiko eta sozialerako tresna bat sortzea zen. Eskaera horri erantzunez, Sakanako Mankomunitateak Sakanako Garapen Agentzia martxan jarri zuen.

Ibilbide-orria: Sakanako Plan Estrategikoa 2020

Sakanako Garapen Agentziari Krisi Mahaiaren akordioaren beste puntu bati forma ematea agindu zitzaion: Sakanako Plan Estrategikoa. Prozesu parte hartzaile baten bidez, eta ikuspegi sozialetik, ingurumenetik eta ekonomiatik iraunkorrak liratekeen lanpostuak sortu eta mantentzeko baldintzak sortzea helburu izanik, Sakanako eragile sozioekonomikoek elkarlanean 200ra arte garatu beharreko estrategia zehaztu zen.



Nondik gatoz: historia