Sakanako Behatoki Sozioekonomikoan planaren zirriborroa aurkeztu ondoren, irailaren 15era arte sakanako eragile guztiek ekarpenak jasotzeko aldia hasten da.
Pasa den Ekainaren 30ean, Sakanako Mankomunitatearen Lakuntzako egoitzan, Sakanako Behatoki Sozioekonomikoaren 2022ko lehen bilera izan zen. Bertan, Sakanako Plan Estrategikoaren eguneratze prozesuaren baitako 6 lantaldeek azken hilabeteetan landutako 2027 arterainoko ekintza eta proiektuen proposamena aurkeztu zen
Aurkeztutako ekintza plan guztiek, abenduan aurkeztutako aurreko planaren balorazio eta diagnosiarekin batera, Sakana 2027 plan estrategikoaren lehen zirriborroa osatuko luke.
Bileran zirriborroari oneritzia eman ondoren, partehartze publikorako garaia hasten da, non iralaren 15era arte eskualdeko herritar eta eragileek zirriborroari ekarpenak egiteko denbora izango duten.
Partehartze errazteko, informazio guztia eta partehartzeko galdetegia eskuragarri daude www.sakanagaratzen.com webguneko atal berezia batean.
Horrez gain, lantaldeen oneritzia jasotako 2022rako ekintza planaren barruan Nafarroako Gobernuaren eskualde aktibazio planetara aurkeztuko diren ekintzak eta Uharte Arakilgo Itxesi gunean bizikletazaleentzako pernokta gunearen inbertsio proiektua aurkeztu ziren.
Erakunde honek Nafarroako Gobernuaren diru-laguntza bat jaso du, eskualdeak suspertzeko planak prestatu eta gauzatzeko diru-laguntzen 2023ko deialdian.
Erakunde honek Nafarroako Gobernuaren dirulaguntza bat jaso du Europako 2023 proiektuen sustatzaileak eta kudeatzaileak kontratatzeko laguntzen babesean.
