Abian da Sakana sarien III. Deialdia

Urriaren 19tik 30era, Sakanako edozein herritarrek Sakana sarien III. deialdirako hautagaitzak proposatu ditzake.

Sakana bizi, elkartu eta anitza zerumuga desiragarri bezala hartuta, ondorengo balioen gainean lan egiten duten egitasmo kolektiboak aitortu nahi ditugu.

• Dinamismoa eta erresilientzia-gaitasuna oraingo eta etorkizuneko erronkei aurre egiteko.
• Aniztasuna aberastasun kolektibo gisa ikusia
• Elkartasuna eta onura komuna bilatzea komunitatearen beharrak lehenetsiz. Horretarako funtsezko elementuak dira komunitatearen lana (auzolana) eta herri-ondasunak (komunala)

Proposamen guztiak jaso ondoren epaimahaiak Sakana saria aukeratuko du eta herritarren bozka bidez aipamen berezia jasoko duen ekimena aukeratuko da.

Egizu zure proposamena!